ຝ່າຍກົງກັນຂ້າມທີ່ບໍ່ພໍໃຈຂອງພວກເຮົາ

ການແນະນໍາ

ກ່ອນທີ່ອາດາມຈະຫາຍໃຈໄດ້ເທື່ອທຳອິດ, ພຣະເຈົ້າໄດ້ສ້າງວິນຍານຫຼາກຫຼາຍແບບເຊິ່ງເອີ້ນວ່າທູດສະຫວັນ(ເທວະດາ). ສິ່ງຊົງສ້າງເຫຼົ່ານີ້ໄດ້ຮັບກຳລັງທີ່ແຂງແຮງ ແລະ ຄວາມສະຫຼາດເພື່ອຮັບໃຊ້ພຣະເຈົ້າ, ໃນໂລກ ແລະ ໃນສະຖານທີ່ບໍລິສຸດທີ່ເອີ້ນວ່າສະຫວັນ. ມີທູດອົງໜຶ່ງທີ່ໄດ້ຮັບຣິດເດດຫຼາຍກວ່າຕົນອື່ນ. ເຊິ່ງເປັນທີ່ຮູ້ຈັກກັນດີທຸກມື້ນີ້ວ່າຊາຕານ,  ທູດຕົນນີ້ບໍ່ໄດ້ເຮັດຕາມຈຸດປະສົງທີ່ຖືກສ້າງມາ. ມັນຢາກທີ່ຈະເປັນພຣະເຈົ້າ. ສະນັ້ນຊາຕານຈຶ່ງກາຍເປັນສັດຕູຂອງພຣະເຈົ້າ, ມັນໄດ້ນຳທູດຫຼາຍໆຕົນຄິດກະບົດຕໍ່ຕ້ານພຣະເຈົ້າ. ດັ່ງນັ້ນຊາຕານຈຶ່ງຖືກໄລ່ອອກຈາກຕໍ່ແໜ່ງສິດທິພິເສດນີ້ຕໍ່ໜ້າພະພັກຂອງພຣະເຈົ້າ..

– ຄວາມຫວັງ, ບົດທີ 2

ການສັງເກດ & ການພິຈາລະນາ

ພະຄຳພີ ແລະ ຄວາມຫວັງ  ບອກວ່າພວກເຮົາມີຝ່າຍປໍລະປັກ, ສັດຕູ, ຄູ່ຕໍ່ສູ້ໃນຊີວິດ,  ມັນເປັນທີ່ຮູ້ກັນດີຄື ຊາຕານ. ໃນພຣະຄຳພີມີໜ້ອຍຫຼາຍທີ່ຈະເວົ້າເລື່ອງການສ້າງຊາຕານ ແລະ ການລົ້ມລົງຂອງຊາຕານ. ແນວໃດກໍ່ຕາມຂໍ້ຄວາມທີ່ບອກໄວ້ມັນກໍ່ຫຼາຍພຽງພໍແລ້ວທີ່ບອກເຖິງສີ່ງທີ່ພຣະເຈົ້າຕ້ອງການໃຫ້ພວກເຮົາໃຫ້ຮູ້ກ່ຽວກັບການລົ້ມລົງຂອງທູດຜູ້ທີ່ທ້າທາຍພຣະເຈົ້າ.

ບັນດານັກວິຊາການພຣະຄຳພີໄດ້ອ້າງອີງໃນ ເອຊາຢາ 14:12-14 ແລະ ເອເຊຄຽນ 28:12-18 ເຖິງການລົ້ມລົງຂອງຊາຕານ. ໃນຂະນະທີ່ພຣະຄຳສອງຂໍ້ນີ້ແມ່ນການເຂົ້າໃຈແບບທົ່ວໄປທີ່ອ້າງອີງເຖິງກະສັດບາບີໂລນ ແລະ ຕີgເຣ, ທຸກໆຄວາມເຊື່ອພວກມັນມີສອງຄວາມໝາຍ, ອີງໃສ່ຄືກັນກັບຊາຕານ, ລິດເດດຢູ່ເບື້ອງຫຼັງຂອງຈິດວິນຍານຂອງກະສັດເຫຼົ່ານັ້ນ.¹

ໃນບົດນີ້ໄດ້ສະແດງໃຫ້ເຫັນວ່າຊາຕານໄດ້ຮັບຫຼາຍຢ່າງຈາກພຣະເຈົ້າແຕ່ລາວກໍ່ຍັງບໍ່ເຮັດຕາມຈຸດປະສົງທີ່ລາວຖືກສ້າງຂຶ້ນມາ. ມັນບໍ່ພໍໃຈ, ມັນທໍລະຍົດ- ແລະ ເມື່ອມັນທໍລະຍົດແລ້ວ, ມັນໄດ້ສູນເສຍທຸກຢ່າງ. ໃນຄວາມຈິງແລ້ວຊາຕານແມ່ນສິ່ງທີ່ບໍ່ດີທີ່ສຸດໃນຈຳນວນສິ່ງຊົງສ້າງທັງໝົດ, ແລະ ຕອນທ້າຍຂອງມັນ, ດັ່ງທີ່ພວກເຮົາຈະເຫັນໃນໄວໆນີ້, ມັນເປັນເລື່ອງເສົ້າ ແລະ ເລື່ອງແນ່ນອນ. ແຕ່ມັນກໍ່ເລືອກທີ່ຈະຕໍ່ຕ້ານພຣະເຈົ້າ!

ການຕ້ັງຖາມ & ການສະທ້ອນ

ເຈົ້າເຂົ້າໃຈຈຸດປະສົງທີ່ເຈົ້າຖືກສ້າງຂຶ້ນມາບໍ? ຖ້າເຊັ່ນນັ້ນ, ເຈົ້າຈະເຕີມເຕັມຈຸດປະສົ່ງນັ້ນບໍ? ຫຼາຍຄົນແມ່ນບໍ່ປະຕິບັດ. ພິຈາລະນາເບິ່ງເຖິງຂໍ້ພຣະຄຳກ່ຽວກັບຈຸດປະສົງຂອງສິ່ງທີ່ຊົງສ້າງ:

“ທຸກສ່ວນໃນຮ່າງກາຍຂອງຂ້ານ້ອຍແມ່ນພຣະອົງໄດ້ສ້າງມາໄດ້ປະກອບທຸກສ່ວນເຂົ້າກັນແຕ່ຢູ່ໃນທ້ອງແມ່. ຂ້ານ້ອຍຍ້ອງຍໍສັນລະເສີນພຣະອົງ ເພາະພຣະອົງເປັນທີ່ຍ້ານຍຳ ທຸກສິ່ງທີ່ພຣະອົງຊົງກະທຳນັ້ນປະຫຼາດໃຈແທ້ໆ ແລະ ຊ່າງເປັນໜ້າອັດສະຈັນໃຈຢ່າງຍິ່ງໃຫ່ຍ ຂ້ານ້ອຍຮູ້ເຖິງກິດຈະການນັ້ນຢ່າງເຕັມໃຈ. ເມື່ອສ້າງກະດູກຂອງຂ້າຂ້ອຍປະກອບເຂົ້າກັນຢ່າງລະມັດລະວັງໃນທ້ອງມານດານັັ້ນເມື່ອໃຫ່ຍຂຶຶ້ນຢູ່ໃນທ້ອງມານດາຢ່າງບໍ່ມີຜູ້ໃດເຫັນ ພຣະອົງກໍ່ຮູ້ວ່າຂ້ານ້ອຍເປັນຢູ່ໃນທີ່ນັ້ນ. ກ່ອນຂ້ານ້ອຍໄດ້ເກີດ ສາຍຕາຂອງພຣະອົງກໍແນມເຫັນຂ້ານ້ອຍຢູ່ແລ້ວ. ວັນທັງຫຼາຍທີ່ຖືກກຳນົດໃຫ້ນັ້ນກໍຊົງບັນທຶກໄວ້ຫມົດກ່ອນທີ່ວັນໃດໆໃນວັນເຫຼົ່ານີ້ຍັງບໍ່ເລີ້ມຂຶ້ນ. ຂ້າແດ່ພຣະເຈົ້າ ທີ່ຈະເຂົ້າໃຈຄວາມຄິດຂອງພຮະອົງກໍ່ຍາກຫຼາຍ ເພາະຄວາມຄິດຂອງພຣະອົງນັ້ນເລິກລັບເກີນທີ່ຈະຢັ່ງຮູ້ໄດ້”  (ເພງສັນລະເສີນ 139:13-17).

“ເພາະວ່າເຮົາທັງຫຼາຍເປັນສີພະຫັດຂອງພຣະອົງ ທີ່ຊົງສ້າງຂຶ້ນໃນພຣະເຢຊູຄຣິດເຈົ້າເຢຊູ ເພື່ອໃຫ້ປະກອບການດີ ຊຶ່ງພຣະເຈົ້າໄດ້ຊົງຈັດຕຽມລ່ວງໜ້າໄວ້ກ່ອນແລ້ວ ເພື່ອໃຫ້ເຮົາທັງາຍໄດ້ປະຕິບັດຕາມ.” (ເອເຟໂຊ 2:10).

ຈາກຂໍ້ຄວາມໃນພຣະຄຳພີພວກເຮົາເຫັນວ່າພຣະເຈົ້າໄດ້ສ້າງພວກເຮົາ ແລະ ພຣະອົງສ້າງພວກເຮົາຢ່າງມີຈຸດປະສົງ.

• ເຈົ້າລອງຄິດເບິ່ງວ່າມີຫຍັງອີກທີ່ຈະເຮັດໃຫ້ພໍໃຈຫຼາຍກວ່າການເຕີມເຕັມຈຸດປະສົງທີ່ເຮົາໄດ້ຖືກສ້າງມາ?
• ພວກເຮົາສາມາດຮຽນຮູ້ຫຍັງໄດ້ອີກຈາກຕົວຢ່າງຂອງຊາຕານ? ມັນກໍ່ຖືກສ້າງມາຈາກພຣະເຈົ້າຢ່າງມີຈຸດປະສົງ, ແຕ່ມັນທໍລະຍົດຕໍ່ຕ້ານພຣະເຈົ້າ ແລະ ສະແຫວງຫາແຜນການ, ທາງຂອງຕົນເອງ.
• ເປັນຫຍັງຄົນຜູ້ໜຶ່ງເວົ້າຕໍ່ພຣະເຈົ້າວ່າ, “ຂ້ອຍບໍ່ຢາກທີ່ຈະເປັນບຸກຄົນທີ່ທ່ານສ້າງຂ້າໃຫ້ເປັນ”?

ການຕັດສິນໃຈ & ການປະຕິບັດ

ຖ້າເຈົ້າພະຍາຍາມຕໍ່ສູ້ກັບແຜນການຂອງພຣະເຈົ້າສຳລັບຊີວິດຂອງເຈົ້າແລ້ວ ທ່ານອາດມີເລື່ອງໃຈເຖິງໃຈ ທີ່ຈະຕ້ອງເຮັດກັບຜູ້ຊົງສ້າງຂອງເຈົ້າ. ແຜນການຂອງພຣະອົງທີ່ມີຕໍ່ເຈົ້າມັນດີກວ່າແຜນການອື່ນໆທີ່ທ່ານມີ ດັ່ງຂໍ້ພຣະຄຳໃນ ເຢເລມີຢາບອກໄວ້:

“ເຮົາຜູ້ດຽວເທົ່ານັ້ນທີ່ຮູ້ແຜນການຂອງເຮົາສຳລັບພວກເຈົ້າ, ພຣະເຈົ້າຢາເວກ່າວວ່າ,’ຄືແຜນການທີ່ນຳຄວາມຮຸ່ງເຮືອງມາສູ່ພວກເຈົ້າ ແລະ ບໍ່ແມ່ນນຳຄວາມຈິບຫາຍມາສູ່ພຮະເຈົ້າ ແຕ່ເປັນແຜນການທີນຳຄວາມຫວັງມາສູ່ອະນາຄົດຂອງພວກເຈົ້າ.” (ເຢເລມີຢາ 29:11).

ຖ້າເຈົ້າຍັງບໍ່ຮູ້ເຖິງແຜນການຂອພຣະອົງສຳລັບຊີວິດເຈົ້າ, ແລ້ວໃຫ້ເລີ້ມຖາມຕົວເຈົ້າເອງ, “ຂ້ອຍຮູ້ຈັກພຣະອົງດີຊໍາ່ໃດ? ເຈົ້າເຫັນບໍ ການທີ່ຮູ້ຈັກຈຸດປະສົງໃນຊີວິດແມ່ນເລີ້ມຈາການຮູ້ຈັກຜູ້ທີ່ໃຫ້ຈຸດປະສົງນັ້ນກັບເຮົາ. ຖ້າເຈົ້າຍັງບໍ່ໄດ້ກ້າວອອກໄປທີ່ຈະຮູ້ພຣະອົງດ້ວຍຕົວເອງ, ແລ້ວໃຫ້ເຈົ້າໃຊ້ເວລາໃນຂະນະນີ້ທີ່ຈະອ່ານ ຫຼື ອ່ານຄືນໃນເອກກະສານທີ່ຂຽນໄວ້ສຳລັບທ່ານໃນຂໍ້ບົດການ Knowing God ໃນຕອນທ້ານຂອງການຮຽນ.

ບາງທີເຈົ້າອາດຈະມີຄວາມຄິດຊ່ຳໃດຊ່ຳໜຶ່ງແລ້ວກ່ຽວກັບຈຸດປະສົງສຳລັບຊີວິດຂອງເຈົ້າ, ແຕ່ເຈົ້າບໍ່ໄດ້ພົບການເຕີມເຕັມ ແລະ ຄວາມພໍໃຈໃນນັ້ນ. ບາງທີເຈົ້າອາດຈະໜີມັນໄປຈາກຈຸດປະສົງດ້ວຍຄວາມຍ້ານຫຼື ອວດຕົວ. ບໍ່ຕ້ອງເຮັດຜິດຄືດກັບຊາຕານເຮັດ. ພຣະເຈົ້າມີບາງຢ່າງທີ່ຕ້ອງການສອນເຈົ້າ. ຊອກຫາການເຕີບໃຫ່ຍໃນຄວາມສຳພັນກັບພຣະເຈ້ົາ, ແລະເປັນຄືວ່າເຈົ້າເອົາຊີວິດທີ່ມີຄວາມສຸກທີ່ສຸດໃນພຣະອົງ, “ຈົ່ງຊອກຫາຄວາມຊື່ນຊົມຍິນດີໃນພຣະເຈົ້າຢາເວຂອງເຈົ້າສາ ພຣະອົງຈະໂຜດໃຫ້ຕາມຄວາມປະສົງຂອງເຈົ້າ. ຈົ່ງມອບທາງຂອງເຈົ້າແກ່ພຣະເຈົ້າຢາເວ ຈົ່ງໄວ້ວາງໃຈໃນພຣະອົງແລ້ວພຮະອົງກໍ່ຈະຊ່ວຍເຫຼືອເຈົ້າ.” (ເພງສັນເສີນ 37:4-5).

Footnotes

¹Charles C. Ryrie, Basic Theology (Victor Books, A Division of Scripture Press, Wheaton, Illinois, 1988, pp. 141–143).